• USD 1,7009 -0,01% EUR 1,9877 -0,54%
    • GBP 2,2238 -0,53% RUB 0,0286 0,00%

Bakıda manyak peyda olub

Bakıda manyak peyda olub

"Suraxanı rayonunun Zığ qəsəbəsində manyak peyda olub. Qorxumuzdan küçəyə nə özümüz tək çıxa bilmirik, nə də qız uşaqlarını tək buraxmırıq”.

ANS PRESS-in məlumatına görə, bu barədə virtualaz.org saytına qəsəbənin Hətəm Allahverdiyev küçəsinin sakinləri məlumat veriblər.

Onların sözlərinə görə, qəsəbədəki həyət evlərində yaşayan xanım sakinlər gənc bir kişinin hərəkətlərindən küçəyə çıxmağa qorxurlar: “Bu adamla dəfələrlə rastlaşmışıq. O, tinlərdə, əsasən də gediş-gəlişin az olduğu yerlərdə dayanaraq qadınların küçəyə çıxmasını gözləyir. Qadınları görən kimi isə qəfildən soyunaraq müxtəlif əxlaqsız hərəkətlər etməyə başlayır. Bizim küçədə də bir neçə dəfə belə qeyri-adi hərəkətlər edib. Yaxşı ki, həmin anda qonşuların bir neçəsi səsə çıxıb, köməyə çağırdığımız qadınlarla onu daşa basaraq qovmuşuq. Amma tənha olanda qorxuruq, çünki kimliyini bilmədiyimiz bu adam bizə zərər verə bilər”.

Sakinlər dedilər ki, həmin gənc kişi ucaboylu, saqqallı və güclü bədən quruluşuna malik biridir: “Heç kimə fikir vermir, sakitcə gəzir, amma qadın görən kimi paltarlarını soyunub eyni hərəkətləri edir. Amma maraqlıdır ki, kişilərin qarşısına çıxmır, hətta məhəllənin kişilərini, qadınların həyat yoldaşlarını görən kimi qaçır. Buna görə də onun yaxalanması çətindir”.

Sakinlərin narahatçılığına səbəb olan bu “kişi” ilə bağlı ərazinin sahə müvəkkili ilə əlaqə saxladıq. Qəsəbənin sahə müvəkkili Azər Nəsirov virtualaz.org saytına bildirdi ki, bu məlumatı mütləq araşdıracaq: “Bu barədə bizə hələ heç bir məlumat daxil olmayıb. Amma araşdırma aparılacaq. Ola bilər ki, həmin insan ruhi xəstə olsun. Çünki biz də ruhi xəstələrin qadınları görən kimi soyunması, onları qorxutmağa çalışması, insanları narahat etməsi hadisəsi ilə dəfələrlə qarşılaşmışıq. Təəssüf ki, məhkəmə qərarı olmadan ruhi xəstələri xəstəxanalarda yerləşdirə bilmirik. Bunun üçün ruhi xəstənin ailəsinin razılığı olmalıdır. Şikayətdə deyildiyi kimi, sakinləri narahat edən adam varsa, bunu araşdırıb qarşısını alacağıq".

Загрузка...

Xəbər lenti

DAHA ÇOX XƏBƏR