Dünya

Bjezinski: “Putin müharibənin bahalı həzz olduğunu anlamalıdır”

10 Fevral 2015 16:07

“Qərb Ukraynanı silahlandırmağa məcburdur. Moskva bilməlidir ki, Donbas hövzəsində müharibə bahalı həzdir”.

Publika.az xarici mediaya istinadən xəbər verir ki, belə bir çağırışla məşhur amerikalı politoloq, ABŞ-ın keçmiş prezidenti Cimmi Karterin təhlükəsizlik məsələləri üzrə məsləhətçisi Zbiqnev Bjezinski çıxış edib.

“Bəli, iqtisadi sanksiyalar lazımdır. Çünki sanksiyalar sonra ona gətirib çıxarır ki, rusiyalılar Putindən daha çox şübhələnməyə başlayırlar. Amma rusiyalıların Putindən hiss olunacaq dərəcədə şübhələnməsi və dərin inamsızlıq yaranması üçün Rusiyaya xüsusi cavab verilməlidir. Bu cavab isə Ukraynaya müdafiə silahının verilməsidir”, - Bjezinski deyib.

Amerikalı ekspertin fikrincə, Qərb Putinin Avropa ölkələrinə növbəti müdaxilə ssenarilərinə hazır olmalıdır.

Ömər Dağlı