ABŞ

Bu şəhəri vərəm bürüyüb: fövqəladə vəziyyət elan edildi

6 May 2024 14:53

Vərəm xəstəliyinin yayılması Kaliforniya ştatının Lonq-Biç şəhərində ictimai səhiyyədə fövqəladə vəziyyətə səbəb olub.

Publika.az xəbər verir ki, bu barədə CNN məlumat yayıb.

Şəhər Sağlamlıq Mütəxəssisi Dr.Anissa Davis, epidemiya səbəbiylə cümə axşamı günü ictimai sağlamlıq vəziyyətində fövqəladə vəziyyət elan edildiyini bildirib. Bəyannamənin çərşənbə axşamı Lonq-Biç Şəhər Şurasında ratifikasiyasına baxılacağı gözlənilir.

Şəhər səhiyyə idarəsi epidemiya ilə bağlı apardığı araşdırma zamanı vərəmə yoluxma ehtimalı olan 170-ə yaxın insanı müəyyən edib. “Ancaq ümumilikdə, yaşayan, işləyən, oxuyan və ya Lonq -Biçi ziyarət edən insanlar üçün vərəm riski çox aşağı olaraq qalır", - məlumatda deyilir.

Qeyd olunur ki, Lonq-Biçdəki oteldə yaşayan bir neçə nəfərdə vərəm aşkarlanıb.

Səhiyyə departamentinin işçiləri simptomlar, qan və ya dəri testləri və döş qəfəsinin rentgenoqrafiyası əsasında vərəm üçün kontaktları yoxlayır.

Tural