Məşəli Bakıda xalq artisti qarşılayacaq – FOTO
Bizi izləyin

Bakı 2015

Məşəli Bakıda xalq artisti qarşılayacaq – FOTO

"Bakı 2015" məşəldarlarından biri də xalq artisti Aygün Kazımovadır.

Publika.az xəbər verir ki, məşəlin Bakıda ilk daşıyıcısı məhz Aygün xanım olacaq. Müğənni bu barədə sosial şəbəkədə yazıb:

“Dostlar, bu gün vətənimizdə keçiriləcək ilk Avropa Oyunlarının məşəli paytaxtımıza gəlir. Onu ilk qarşılayan və böyük qürurla o məşəli Bayraq Meydanından mərkəzə aparan mən olacam. Bu statusu yazmaq bir bilsəz necə sevindiricidir! Uğurlar Azərbaycan!”

Aygün Kazımova məşəl daşıyarkən geyinəcəyi idman formasının fotosunu da paylaşıb.

Bakı 2015 Birinci Avropa Oyunlarının məşəli açılış mərasimində Olimpiya Stadionuna gətirilməzdən əvvəl 5 gün ərzində Bakı şəhərində səfər edəcək. Bu səfər iyunun 7-də başlayır. Bakı 2015 məşəli iyunun 11-də final üçün Qız Qalasından götürüləcək və iyunun 12-də açılış mərasiminin keçiriləcəyi Milli Olimpiya Stadionuna aparılmazdan əvvəl Xəzər dənizinin sahilində yerləşən Sadko limanına aparılacaq.

İsa ŞÜKÜROV

Oxumağa davam et
Reklam
Reklam

Gündəm