"Bakı 2015"-in bugünkü məşəlçiləri – SİYAHI

Bakı 2015 I Avropa Oyunlarının bugünkü məşəlçilərinin adları açıqlanıb.

Publika.az xəbər verir ki, gün ərzində 13 tanınmış şəxs məşəli şəhərdə gəzdirəcək. İlk olaraq alpinist Renat Rəhimxanov Alov Qüllələrindən məşəllə birgə aşağı düşüb. Günün ikinci yarısında məşəl Qoşa Qala qapısına üz tutacaq. İçərişəhərdə məşəli güləş üzrə Olimpiya çempionu Fərid Mansurov, xalq artisti Faiq Ağayev, cüdo üzrə Olimpiya çempionu Elnur Məmmədli, veteran atlet Abbas Əzimov, aktyor Bəhram Bağırzadə, güləş üzrə dünya və Avropa çempionu Həsən Əliyev, voleybolçu Alla Həsənova, xalq artisti, dirijor Yalçın Adıgözəlov, xalq artisti, musiqiçi Ənvər Sadıqov, xalq artisti, aktrisa Şəfiqə Məmmədova, Beynəlxalq Olimpiya Komitəsinin Koordinasiya Komissiyasının sədri Spiros Karpalos və "Bakı 2015"-in ulduz elçisi, müğənni Tünzalə Ağayeva daşıyacaq.

Qeyd edək ki, aprelin 26-dan Azərbaycanın bütün bölgələrinə səyahət edən məşəl iyunun 7-də paytaxt Bakıya gətirilib. Məşəli Bakıda "Sadko" limanında Prezident İlham Əliyev təhvil alıb və digər məşəldaşıyanlara ötürüb.