Bakı 2015
Avropa çempionu: “Avropa Oyunları uzun müddət yaddaşlardan silinməyəcək”
Artıq Avropa Oyunlarında ölkəmizi təmsil edəcək idmançılarımızın adı məlumdur. Azərbaycan adına bu mötəbər turnirdə mübarizə aparacaq idmançılardan biri də yunan-Roma güləşi üzrə Avropa çempionu, dünya kubokunun sahibi Rafiq Hüseynovdur.
Onun da Avropa Oyunlarında medal şansı heç də zəif qarşılanmır. Avropa çempionumuz İlk Avropa Oyunlarında 80 kq çəki dərəcəsində mübarizə aparacaq. O, Publika.az-a açıqlamasında bildirib ki, Avropa Oyunları yaddaşlara həkk olunacaq:
“Bir azərbaycanlı kimi çox sevincliyəm ki, I Avropa Oyunları Azərbaycanda təşkil olunur. İlk Avropa Oyunlarının Azərbaycanda keçirilməsi bir daha sübut edir ki, ölkəmiz hər bir tədbiri keçirməyə həmişə hazırdır. Cənab prezident İlham Əliyevin idmana olan diqqət və qayğısı böyükdür. Təbii ki, biz idmançılar da çalışırıq bizə göstərilən etimadı doğruldaq. Bir idmançı kimi əminəm ki, “Bakı 2015” möhtəşəm bir idman bayramına çevriləcək. Bu turnir uzun müddət bütün dünya tamaşaçılarının və azarkeşlərinin yaddaşlarından silinməyəcək. Biz də çalışacağıq ki, üçrəngli bayrağımızı yüksəklərə qaldıraq, himnimizi səsləndirək”.
Qeyd edək ki, iyunun 13-18-də Heydər Əliyev adına İdman Sarayında təşkil olunacaq güləş yarışlarında ölkəmiz tam heyətlə çıxış edəcək.
Yunan-Roma güləşində ölkəmizi Rafiq Hüseynov (80 kq), Həsən Əliyev (66 kq), Elman Muxtarov (59 kq), Elvin Mürsəliyev (75 kq), Təhmasebi Saman (85 kq), Orxan Nuriyev (98 kq), Şəriəti Sabah (130 kq), Rəsul Çunayev (71 kq), sərbəst güləşdə Cəbrayıl Həsənov (74 kq), Hacı Əliyev (61 kq), Toğrul Əsgərov (70 kq), Yaşar Əliyev (57 kq), Ruslan Dibirhacıyev (70 kq), Xetaq Qazyumov (97 kq), Cəmaləddin Məhəmmədov (125 kq), Nurməhəmməd Hacıyev (86 kq), qadın güləşində Mariya Stadnik (48 kq), Solmaz Həşimzadə (55 kq), Alyona Kolesnik (55 kq), Natalya Sinişin (58 kq), Yuliya Ratkeviç (60 kq), Elmira Qəmbərova (63 kq), Nadya Muşka (69 kq), Gözəl Zutova (75 kq) təmsil edəcəklər.
Aygün İlqarqızı
-
Nəqliyyat6 May 23:16
Bu yolda sürət həddi 20 km/saata endirildi
-
Magazin16 May 23:04
İllərlə küsülü olan Brilliant Dadaşova və Abbas Bağırovun rəqsi - VİDEO
-
Dünya6 May 21:33
HƏMAS-la İsrail atəşkəs barədə razılaşdı
-
Sosial6 May 21:23
Deyirlər ki, puluna görədir... - 17 yaşlı qızla nişanlanan 37 yaşlı kişinin anası DANIŞDI - VİDEO
-
İdman6 May 21:13
22 yaşlı idmançı faciəvi şəkildə öldü
-
Qoroskop6 May 21:05
Bürclərin ən zəhlətökən xüsusiyyətləri
-
Magazin16 May 20:36
"Həcim olsaydı, dərdim nə idi?" - Müğənnidən qalmaqallı açıqlama - VİDEO
-
MDB6 May 19:50
Rusiyadan Qərbə xəbərdarlıq