Bakı 2015: Erməni idmançılar artıq Bakıdadır
Bizi izləyin

Bakı 2015

Bakı 2015: Erməni idmançılar artıq Bakıdadır

Bakı 2015: Erməni idmançılar artıq Bakıdadır

Azərbaycanda I Avropa Oyunlarında iştirak edəcək ölkələrdən Finlandiya, Slovakiya, Estoniya, İrlandiya, Portuqaliya, İsrail və Ermənistan idmançıları Azərbaycana gəlib.

Publika.az xəbər verir ki, onları Heydər Əliyev adına Hava Limanında Bakı-2015 Avropa Oyunları Əməliyyat Komitəsinin xüsusi nümayəndələri və könüllülər qarşılayıblar.

İdmançılar onlar üçün ayrılan avtobuslarla Atletlər kəndinə yola salınıblar. Qonaqlar arasında həmin ölkələrin jurnalist və nümayəndə heyətləri də var.

Qeyd edək ki, I Avropa Oyunlarında iştirak edəcək Ermənistan nümayəndə heyətində əvvəlcədən 28 idmançının iştirak edəcəyi bildirilsə də, Bakıya 18 idmançı gəlib. Ermənilər idmanın boks, güləş, atıcılıq, sambo, cüdo növləri üzrə yarışacaqlar.

İyunun 12-dən 28-dək davam edəcək I Avropa Oyunlarında 49 ölkədən 6 mindən çox idmançı, 3 mindən artıq komanda rəsmisinin iştirak edəcəyi gözlənilir.

Oxumağa davam et
Reklam
Reklam

Gündəm

Zəfaran Hospital
Səba