Bakı 2015

Patrik Hikki: “I Avropa Oyunlarını boykot etmək çağırışları səmərəsiz işdir”

11 İyun 2015 14:06

“Niderlandın Avropa Oyunlarını keçirməkdən imtina etməsi heç bir problem yaratmayacaq və heç bir halda Bakıda keçiriləcək ilk Avropa Oyunlarına kölgə salmayacaq”.

Publika.az xəbər verir ki, bunu Bakıda keçirilən mətbuat konfransı zamanı Avropa Olimpiya Komitəsinin prezidenti Patrik Hikki deyib.

P.Hikki bildirib: “Əminəm ki, Bakıda Avropa Oyunları uğurla keçirildikdən sonra 2019-cu ildə Oyunların keçirilməsi ilə bağlı namizədlər olacaq”.

AOK prezidenti boykot məsələsinə də toxunub:

“Hər dəfə Olimpiya Oyunlarında kimsə boykota çağırış edir və ötən dövrdə sübut olunub ki, boykota çağırış heç bir nəticə vermir, həmişə uğursuzluğa düçar olur. Mən çox fəxr edirəm ki, bu Oyunlarda 50-yə qədər milli olimpiya komitəsi iştirak edir və 40-a qədər dövlət və hökumət başçıları açılış mərasimində iştirak edəcək. Bundan aydın olur ki, boykot çağırışları nəticəsiz qalır".