Alman gimnast: “Deyəcəyəm ki...” - FOTO

"Birinci Avropa Oyunları idmanın inkişafı üçün çox vacibdir və inanıram ki, bu ənənə davam edəcək". Bunu Publika.az-a Avropa Oyunlarında gimnastika üzrə yarışlarda iştirak edən almaniyalı gimnast Elizabet Seitz deyib.

E.Seitz bildirib ki, bu yeni idman ənənəsinin əsası Bakıda qoyuldu: "Təbii ki, mən gələcəkdə deyəcəyəm ki, ilk Avropa Oyunlarında Bakıda iştirak etmişəm".

Azərbaycana birinci gəlişinin olduğunu deyən gimnast buradakı mühitdən məmnun olduğunu bildirib: "Atletlər kəndi böyükdür və orada idmaçılar üçün gözəl şərait yaradılıb. Azərbaycanda insanlar qonaqpərvər və mehribandır. Azərbaycanın həm də gözəl iqlimi var".

Almaniyalı gimnast qeyd edib ki, yarışda çoxlu güclü gimnastlar iştirak edir və qələbə üçün güclü mübarizə aparmaq tələb olunur: "Rusiya, Böyük Britaniya, Rumıniya və İtaliyadan olan gimnastları göstərmək olar. Azərbaycanın da güclü gimnastları var. Lakin yarışmanın nəticələrini əvvəlcədən demək çətindir. Bu bir yarışmadır, hər şey ola bilər, qalib də gələ bilərsən, uduza da bilərsən. Hər şey sonda məlum olacaq".