Bakı 2015

Bakı-2015: Voleybolçu qızlardan möhtəşəm qələbə - YENİLƏNİR

16 İyun 2015 01:34

Azərbaycan yığması hər 3 seti qələbə ilə başa vurub - 28:26, 25:16, 25:23.

Xatırladaq ki, komandamız ilk görüşdə Rumıniyanı 3:1 hesabı ilə məğlub etmişdi.

Hazırda qrupunda lider olan millimiz növbəti görüşünü iyunun 17-də İtaliya yığmasına qarşı keçirəcək.

23:53

Qızlardan ibarət millimiz ikinci setdə Polşa millisinə asanlıqla qalib gəldi 25-16 (2-0).

23:19

Polşa millisi ilə görüşən millimiz ilk setdə çətinliklə də olsa, rəqibinə qalib gəlməyi bacardı 28-26 (1-0).

22:42

Hər iki millinin heyətləri açıqlandı. Görüş başlayır

21:57

Qızlardan ibarət voleybol üzrə milli komandamız Polşa yığmasına qalib gələcəyi təqdirdə, qrup liderliyinə yüksələcək.

20:20

Bakı 2015 Birinci Avropa Oyunlarında qadınlar arasında yığma komandaların yarışları davam edir.

Publika.az xəbər verir ki, günün ikinci qarşılaması Türkiyənin voleybolçu qızları ilə İtaliya komandası arasında keçirilib. Birinci set qələbəylə başa vuran (25:26 ) Türkiyə komandası ikinci setə də uğrula başlayıb. İkinci hissənin qalibi də Türkiyə yığması olub - 25:10. Üçüncü hissədə italyanlar ciddi müqavimət göstərsə də Türkiyənin qələbəsinə mane ola bilməyiblər - 25:17.

10:50

Bu gün Bakı-2015 I Avropa Oyunlarında qadın voleybolçuların növbəti mübarizəsi başlayacaq. Publika.az xəbər verir ki, II turda A qrupunda mübarizə aparan Azərbaycan yığması Polşa komandası ilə qarşılaşacaq.

İlk olaraq isə meydana qrupun favoritlərindən olan İtaliya yığması türkləri sınağa çəkəcək. Birinci turu məğlub ayrılan Rumıniya Belçika ilə münasibətlərinə aydınlıq gətircək.

B qrupunda ilk turda məğlub olan Bolqarıstanla Rusiya üz-üzə gələcək. Hollandiya Xorvatiyanı sınağa çəkəcək.

Turun son oyunu isə Serbiya ilə Almaniya arasında olacaq.

Voleybol, qadınlar

15 iyun

II tur

A qrupu

Türkiyə - İtaliya 3:0 (25:16, 25:10, 25:17)

Rumıniya - Belçika 0:3 (21:25, 21:25, 23:25)

22:00. Azərbaycan – Polşa