Bakı 2015: Boks yarışları davam edir - YENİLƏNİR

Fasilədən sonra boks yarışları davam edir. 56 kioqram çəki dərəcəsində bolqarıstanlı Stefan İvanov Polşa idmançısı Silvestr Kolovskini 2-1 hesabı ilə məğlub etdi. Böyük Britaniyalı Qais Aşvaq isə gürcü rəqibi Qiorqi Qoqatişvili üzərində 2-1 hesablı qələbə qazanıb.

64 kiloqram çəki dərəcəsində Fransa boksçusu Amzile Hassan kosovalı Naser Şalanı 3-0 hesabı ilə məğlub edib. Rusiyanı təmsil edən Maksim Dadaşev polşalı rəqibi Kazimierz Leqovski üzərində 3-0 hesabı ilə qalib gəlib.

18:42

İyunun 17-də “Baku Cristal Hall”da kişilər arasında boks yarışının ikinci günü başlayıb.

Publika.az xəbər verir ki, günün birinci yarısında ilkin mərhələdə 69 və 81 kq çəki dərəcələrində ümumilikdə 10 görüş keçiriləcək. Rinqə Latviya, İspaniya, Polşa, Ukrayna, Rumıniya, Gürcüstan, İrlandiya, Albaniya, İsveçrə, Yunanıstan, Bosniya və Hersoqovina, Belarus, Fransa, Macarıstan, Bolqarıstan və Slovakiya idmançıları çıxacaqlar.

Boks yarışlarının ikinci günündə də Azərbaycan idmançıları rinqə çıxmayacaqlar.

Kişilər arasında boks yarışının ikinci gününün ilk yarısının nəticələrinə əsasən 69 kiloqram çəki dərəcəsində İspaniya, Ukrayna, Gürcüstan və İrlandiya, 81 kiloqramda isə İsveçrə, Bosniya və Hersoqovina, Fransa, Macarıstan və Slovakiya təmsilçiləri 1/16 final mərhələsinə vəsiqə əldə ediblər.