44 yaşlı kişi 7 yaşlı uşağı dəfələrlə zorladı, sonra... - Azərbaycanda ŞOK OLAY

Mingəçevir şəhərində yetkinlik yaşına çatmayan oğlana təcavüz etməkdə təqsirli bilinən 1973-cü il təvəllüdlü Kamran Əkbərovun (cinayət işində adı keçən şəxslərin ad və soyadları şərti verilib – red.) cinayət işi üzrə məhkəmə prosesi başa çatıb.

Publika.az xəbər verir ki, Kamran Əkbərov həbs olunana kimi Mingəçevir şəhər 12 saylı mənzil kommunal təsərrüfatı istehsalat birliyində fəhlə işləyib.

Qonşu oğlunu evinə gətirdi

Belə ki, Kamran Əkbərov 2017-ci ilin avqust ayının əvvəllərində, təxminən saat 13-14 radələrində yaşadığı Mingəçevir şəhəri, M.Maqomayev küçəsindəki mənzilinə qonşuları, 2010-cu il təvəllüdlü Nadir Səlimovu gətirib.

Kamran Nadir Səlimovu yaşadığı mənzilinin yataq otağına aparıb. Orada Nadirə qeyri-təbii yolla cinsi əlaqədə olmağı təklif edib.

Yataqda cinsi əlaqə

Cinsi əlaqədə olmağın nə olduğunu başa düşməyən Nadir onun təklifi ilə razılaşıb. Bu zaman Kamran Nadiri soyunduraraq yataq otağındakı çarpayıya uzadıb.

Kamran yataqda əvvəlcə azyaşlı oğlanla qeyri-təbii yolla cinsi əlaqədə olub. Sonra onu digər əxlaqsız hərəkətlər etməyə məcbur edib.

Zirzəmidə təcavüz

Bundan bir neçə gün sonra Kamran Əkbərov Nadir Səlimova qarşı yenidən zorakılıq hərəkətləri edib. O, azyaşlını günorta vaxtlarında yaşadığı binanın zirzəmisinə aparıb.

Orada Kamran Əkbərov azyaşlıya yenidən cinsi əlaqədə olmağı təklif edib və şalvarını soyundurmaq istəyib. Bu zaman azyaşlı şalvarını tutaraq onu soyundurmasına imkan vermək istəməyib.

Azyaşlını aldatdı, yenə də evinə gətirdi

Amma Kamran Əkbərov azyaşlıya qarşı zorakılıq hərəkətləri göstərək, zorla onun əynindən şalvarını soyundurub, onunla qeyri-təbii yolla cinsi əlaqədə olub.

Növbəti dəfə Kamran Əkbərov azyaşlıya qarşı avqustun sonlarında seksual xarakterli hərəkətlər edib. O, azyaşlını aldadaraq yaşadığı evə gətirib və orada onunla cinsi əlaqədə olub.

Şikayət olundu, həbs edildi

Azyaşlının valideynləri baş verən hadisə ilə bağlı hüquq-mühafizə orqanlarına şikayət edib. Onların şikayəti əsasında Kamran Əkbərov həbs olunub.

İstintaq orqanı tərəfindən Kamran Əkbərovun barəsində Cinayət Məcəlləsinin 150.3.3-cü (təqsirkar şəxs üçün aşkar surətdə on dörd yaşına çatmayan şəxs barəsində seksual xarakterli zorakılıq hərəkətləri törətmək) maddəsi ilə ittiham elan olunub.

Cinayət işi üzrə ifadə verən Kamran Əkbərov azyaşlıya təcavüz etdiyi etiraf edib. O, törətdiyi əməldən peşman olduğunu deyib.

13 il cəza

Şəki Ağır Cinayətlər Məhkəməsinin hökmü ilə Kamran Əkbərov 13 il müddətinə azadlıqdan məhrum edilib. Onun cəzasını ciddi rejimli cəzaçəkmə müəssisəsində çəkməsi qərara alınıb.

Hökmdən narazı qalan Kamran Əkbərov apelyasiya şikayəti verib. O, şikayətində birinci instansiya məhkəməsi tərəfindən ona ağır cəza verildiyini, cəzasının yüngülləşdirilməsini xahiş edib.

Azyaşlıya təcavüz edən manyakın istəyi reallaşmadı

Kamran Əkbərovun şikayətinə Şəki Apelyasiya Məhkəməsində hakim İmanverdi Şükürovun sədrlik etdiyi kollegiyada baxılıb. Hakim heyəti onun apelyasiya şikayətini təmin etməyib.

Bu qərardan narazı qalan Kamran Əkbərov Ali Məhkəməyə müraciət ünvanlayıb. Onun kasasiya şikayəti araşdırılması üçün hakim İmran Hacıqayıbovun icraatına verilib.

Kasasiya şikayətinin dəlillərini araşdıran hakim heyəti sonda qərar elan edib. Qərara görə, Kamran Əkbərovun kasasiya şikayəti təmin olunmayıb.

İlkin