Kürdəmirdə qadına qarşı törədilmiş cinayətlə bağlı AÇIQLAMA
Bizi izləyin

Kriminal

Kürdəmirdə qadına qarşı törədilmiş cinayətlə bağlı AÇIQLAMA

Sosial şəbəkələrdə Kürdəmir rayonunda həyat yoldaşı Rusiyada olan qadının döyülməsi hadisəsi ilə bağlı məlumatlar yayılıb.

Publika.az xəbər verir ki, rayonun Mollakənd kəndində naməlum şəxs gecə saatlarında qadının tək yaşadığı evə basqın edib: “Həmin şəxs “rubilnik”dən işıqları söndürərək evə daxil olub və körpələri ilə tək yaşayan qadını çox ağır şəkildə döyüb, başını yerə çırpıb, sonra isə qaçıb. Qadının çığırtısına heç kim gəlməyib, uşaqlar sarsıntı keçirib”.

İddiaya görə, araşdırma zamanı məlum olub ki, həmin kənddə başqa üç tənha qadın da eynilə bu cür hücuma məruz qalıb. Hər dörd qadının ərinin Rusiyada işlədiyi bildirilir. Digər üç qadın isə polisə şikayət etməyib.

Daxili İşlər Nazirliyinin mətbuat xidməti hadisəyə münasibət bildirib. qeyd edilib ki, Mollakənd kəndindən Kürdəmir rayon Polis Şöbəsinə bir müraciət daxil olub və araşdırmalar aparılır.

Oxumağa davam et
Reklam
Reklam

Gündəm