Dünya
Ömər əl-Şişani növbəti dəfə öldürüldü
İraqın Ənbar vilayətinin Karabilə bölgəsində İŞİD terror təşkilatının liderlərinin olduğu avtomobil karvanına endirilən aviazərbələr nəticəsində təşkilatın lideri Əbu Bəkr əl-Bağdadinin üç müavini həlak olub.
Publika.az xarici mediaya istinadən xəbər verir ki, onlar əl-Şişani, əl-Suri və əl-Karbulidir.
İŞİD liderinin özünün isə ağır yaralandığı bildirilir. Onun İŞİD-in nəzarətində olan Əlbukəmal şəhərindəki bir xəstəxanada yüksək təhlükəsizlik tədbirləri altında müalicə olunduğu təxmin edilir.
Öldürüldüyü iddia edilən müavinləri arasında ən nüfuzlusu Ömər Əl-Şişani hesab olunur. Onun öldürülməsi haqqınmda məlumatlar dəfələrlə yayılsa da, bu məlumatlar hər dəfə təkzib edilib. Sonuncu dəfə ötən ilin noyabrında Çeçenistan Respublikasının prezidenti Ramzan Kadırov “İnstaqram” səhifəsində əl-Şişaninin öldürüldüyünü xəbər verib, sübut kimi göstərdiyi bir şəkli yerləşdirmişdi. Lakin sonradan onun sağ olduğu məlum olub.
ABŞ-ın "beynəlxalq terrorçular" siyahısına saldığı Ömər Əl-Şişani Çeçenistan liderinin başına pul qoymuşdu. Əl-Şişani ötən ilin sentyabrında internetdə yayılan bir videoçarxda “Allahın mərhəməti” ilə Qafqazı, o cümlədən bütün Qafqazı “azad edəcəyi”ni bildirmişdi. Kadırov isə cavabında Rusiyanın, konkret olaraq Çeçenistan Respublikasının bütün düşmənlərini cəhənnəmə göndərəcəyinə söz vermişdi.
Suriyaya gəldikdən sonra Əbu Ömər əl-Şişani adını alan “Çeçen” 1986-ci ildə Gürcüstanda doğulub. Şişani İŞİD-in Suriyadakı komandiri olaraq tanınır. Onun İŞİD-in Kobani əməliyyatına rəhbərlik etdiyi iddia olunur.
Ömər Dağlı
-
Magazin207:30
İllərlə GİZLƏDİLƏN GÖZƏL: bu dəfə rus dizaynerin xəz paltarında parladı - FOTO/VİDEO
-
Səhiyyə06:16
Uşaqlarda qan xərçəngi üçün yeni risk faktoru aşkarlandı
-
MDB05:45
Rusiyada MÖCÜZƏ BAŞ VERDİ: 13-cü mərtəbədən yıxılan qız sağ qaldı
-
İnanc04:44
Qüdsdə Müqəddəs Od: Möcüzəni görmək üçün izdiham yaşandı - FOTO/VİDEO
-
Magazin101:41
Namiq Qaraçuxurlu: “Ayrılığı çətin keçirirəm”
-
İdman01:11
Ronaldo het-trik etdi - VİDEO
-
Magazin100:15
Elzanın oğlu əsəbiləşib məclisi tərk etdi - FOTO
-
Magazin24 May 23:48
“Əsgərlər” serialının aktrisası VƏFAT ETDİ