Türkiyə kəşfiyyatı PKK, PYD və YPG terror təşkilatlarının 1 noyabr parlament seçkilərindən sonra həyata keçirmək istədiyi planı ifşa edib.
Publika.az Türkiyə mediasına istinadən xəbər verir ki, terror təşkilatları 7 iyun parlament seçkilərindən sonra Cizrədə planlaşdırdığı vətəndaş müharibəsi planını 1 noyabr seçkilərindən sonraya təxirə salıb.
Kəşfiyyat hesabatlarına görə, 1 noyabr seçkilərinin nəticələri nə olursa-olsun PKK bütün gücü ilə hücuma keçməyi planlaşdırır. PKK, PYD və YPG Türkiyənin Şırnak vilayətinin Cizrə mahalını ələ keçirmək niyyətindədir.
Kəşfiyyatın əldə etdiyi məlumatlara görə, Suriyadakı kürd kantonlarında – Türkiyə sərhədinə yaxın ərazidə təxminən 400 PKK və YPG silahlısı yerləşdiriləcək. Təlimat aldıqdan sonra isə onların Cizrə mahala sızacağı bildirilir.
Eyni vaxtda YDG-H-lilər (PKK-nın şəhərlərdəki gənclik qanadı) xəndək qazaraq hücumlar təşkil edəcək. Məlumata görə, PKK Cizrədə terror təşkilatının bayrağını asaraq dünya ictimaiyyətinə “PYD və PKK Cizrəni ələ keçirdi” xəbərini yayacaq.
Ömər Dağlı
.jpg)
.jpg)
