Dünya

ABŞ yeni nüvə silahı hazırladı – FOTOLAR

4 Avqust 2016 09:56

ABŞ-ın Nüvə Təhlükəsizliyi Milli İdarəsi (NNSA) “B-61-12” adlı modernləşdirilmiş atom bombasının istehsalına hazırlıq prosesini başlayıb.

Publika.az xarici mediaya istinadən xəbər verir ki, proqramın mühəndis mərhələsi üzərində iş 4 il ərzində həyata keçirilib. Kütləvi istehsala isə 2020-ci ildə başlanılacağı gözlənilir.

NNSA bəyan edib ki, ABŞ-ın arsenalı ən köhnə nüvə komponent bazası olduğu üçün bu yenilənmə onun ömrünü daha 20 il uzatmağa imkan verəcək.

“B61”-in yeni versiyasının yaradılmasına 4 il vaxt sərf olunub. O, köhnə bombaları əvəz edəcək və strateji bombardmançılardan başqa, taktiki aviasiya təyyarələrində də istifadə olunacaq.

2020-ci ildən ABŞ “B61-12” bombasını sursatın köhnə növləri yerləşən Avropa bazalarına yerləşdirməyi planlaşdırır.

Xatırladaq ki, ABŞ strateji nüvə qüvvələrinə aid “B61” silahı 1960-cı ildən istehsal edilir.

Vasif Həsənli