Dünya

Çevriliş mətnini oxuyan TRT APARICISI HƏBS OLUNMAYIB – FOTO

12 Avqust 2016 10:22

Ankara Mütəşəkkil Cinayətkarlığa Qarşı Polis Şöbəsinin əməkdaşları Türkiyədə 15 iyul “FETÖ” terror təşkilatının törətdiyi cinayət işi ilə əlaqədar TRT televiziya kanalının 42 əməkdaşını saxlayıb.

Publika.az www.ulke.com.tr - yə istinadən xəbər verir ki, saxlanılanlar arasında 15 iyul gecəsi qiyamçıların dövlət çevrilişi etməsi barədə mətnini efirdə səsləndirən TRT-nin tanınmış aparıcısı Tijen Karaş da var.

Saxlanılan şəxslər Ankara Təhlükəsizlik Xidmətinə gətirilib. Hazırda onların ifadələri alınır.

Qeyd edək ki, Ankara Prokurorluğu tərəfindən TRT-nin 42 əməkdaşı barəsində istintaq başlanıb.

***

Sonradan adıçəkilən sayt Karaş haqqında xəbəri silib. TRT-nin Bakı Təmsilçiliyindən bildirilib ki, TRT-də həqiqətən əməliyyat aparılıb və həbs olunanlar arasında xəbər aparıcısı da var. Amma bu aparıcı Tijen Karaş deyil. Publika.az mövzunu diqqətdə saxlayır.

Vasif Həsənli