Trampın qərargahının başçısı Yanukoviçdən 12,7 milyon dollar alıb

Respublikaçılar Partiyasından ABŞ prezidentliyinə namizəd Donald Trampın seçkiqabağı kampaniyasının sədri Pol Manafort Ukraynanın sabiq prezidenti Viktor Yanukoviç və onun Regionlar Partiyasından təxminən 12,7 milyon dollar alıb.

Publika.az xəbər verir ki, bu haqda “The New York Times” nəşri yazıb.

Nəşrin yazdığına görə, bu, Regionlar Partiyasının “qara mühasibat” məlumatlarında əksini tapıb. 2007-ci ildən 2012-ci ilə qədər olan məlumatlarda Manafortun adı 22 dəfə keçir. Məqalədə vurğulanır ki, ödəmələrin hədəfi anlaşılmazdır.

“İki il əvvəl Rusiyaya qaçan Yanukoviç və Regionlar Partiyası önəmli ölçüdə Manafort və onun şirkətinin məsləhətlərinə söykənirdilər. Bu məsləhətlər onlara bir neçə seçki udmağa kömək etdi”, - nəşr xatırladır.

Manafort Yanukoviç hökumətinin dağılmasından sonra da devrilmiş prezidentin partiya üzvlərinə kömək edərək Ukraynada işləməyə davam edirdi.

Xatırladaq ki, Manafort Trampın komandasına 2016-cı ilin martında təyinat alıb.

Ömər Dağlı