“Newsweek”: “Putin genişmiqyaslı müharibəyə getməyəcək”

“Kreml genişmiqyaslı müharibənin başlanması həddindən geri çəkilib”.

Publika.az xəbər verir ki, bu haqda “Newsweek” nəşrində amerikalı keçmiş hərbçi Nolan Peterson yazıb.

Onun fikrincə, son bir neçə həftədə Kremlin davranışları Ukraynaya genişmiqyaslı müdaxiləyə bəraət qazandırmaq xarakteri daşıyırdı.

“Məsələn, baş nazir Vladimir Putin ikinci çeçen müharibəsinə başlamadan əvvəl - 1999-cu ildə Rusiyada terror aktlarının bütöv seriyası baş verdi. ABŞ-da hesab edirlər ki, onları təcavüzə başlamaq üçün Rusiya xüsusi xidmət orqanları təşkil edib. Rusiya təxribatların bütün əvvəlki nümunələrini nəzərə alaraq, Kiyevdə hesab edirlər ki, Ukraynaya genişmiqyaslı müdaxiləyə bəraət qazandırmaq üçün Kreml bu ssenarini təkrarlamağa çalışır”, - amerikalı hərbçi qeyd edib.

Onun fikrincə, Rusiyanın Ukraynaya genişmiqyaslı hücumu ağlasığmazdır: “Bunun üçün Rusiya ordusuna Ukrayna sərhədi boyu səhra düşərgələri lazım olardı. Ancaq bu düşərgələr tikilməyib. Amma Ukrayna hakimiyyəti Rusiya təhlükəsini ciddi qəbul edərək təxminən 100 min hərbçisini şərq regionlarına göndərdi. Bu güclər faktiki olaraq Rusiyanın Donbasdakı 45 minlik kontingenti və Krımda olan 45 min Rusiya hərbçisinə bərabərdir”.

Ömər Dağlı