Dünya

AB-dən ŞOK BƏYANAT: “Ərdoğandan sonrakı dövr...”

30 Avqust 2016 14:22

Türkiyə və prezidenti Rəcəb Tayyib Ərdoğana qarşı düşmənçiliyini hər fürsətdə büruzə verən Avropa Birliyi (AB) bunu növbəti dəfə edib.

Publika.az xəbər verir ki, AB-nin rəqəmsal iqtisadiyyat və cəmiyyət üzrə komissarı Günter Ottinger Almaniyanın “Bild” nəşrinə müsahibəsində Türkiyənin AB-yə üzvlüyünün Ərdoğandan sonrakı dövrün mövzusu olduğunu söyləyib.

Nəşrin müxbiri komissara 2013-cü ildə dediyi “Avropa Birliyi Türkiyəyə üzvlük üçün yalvaracaq” sözlərini xatırladıb və ondan eyni fikirdə qalıb-qalmadığını soruşub.

“Bu, Türkiyənin Avropa Birliyi üçün iqtisadi və coğrafi baxımdan strateji ölkə olduğuna dair bir ifadə idi, ancaq Ərdoğan hökumətinə yönəlik deyildi. Türkiyə ilə yaxşı əlaqələr Avropa Birliyi üçün əhəmiyyətlidir. Bugünkü şərtləri nəzərə alsaq, üzvlük qarşıdakı on ildən çox bir müddət üçün mümkün deyil. Bu, daha çox Ərdoğandan sonrakı dövrün mövzusu olacaq”, - Günter Ottinger deyib.

Ömər Dağlı