Dünya

Çində SARI TƏHLÜKƏ

8 Oktyabr 2017 00:46

Çin paytaxtının meteoroloji idarəsinin məlumatına əsasən, güclü duman səbəbindən oktyabrın 7-də Pekində sarı təhlükə səviyyəsi elan olunub.

Axar.az xəbər verir ki, təhlükə səviyyəsi oktyabrın 8-i səhər saatlarına qədər qüvvədə olacaq, lakin hava şəraitindən asılı olaraq onun müddəti uzadıla bilər.

Şəhərin bəzi rayonlarında görüntünün 500 metrə qədər azaldığı bildirilir. Şəhər rəhbərliyi əhalini yollarda diqqətli olmağa çağırıb. Hava limanlarına, dəmiryol, avtomobil, dəniz nəqliyyatı və digər nəqliyyat xidmətlərinə təhlükəsizlik tədbirlərini gücləndirmək tapşırılıb.

Hələlik Pekinin beynəlxalq “Şoudu” hava limanında reyslərin ləngiməsi və ya ləğv olunması barədə məlumat verilmir.