Saakaşvilinin Poroşenkoya məktubu dərc edildi - - FOTO

Ukrayna prezidenti Pyotr Poroşenkonun mətbuat katibi Svyatoslav Seqolko Gürcüstanın sabiq prezidenti, Odessa vilayətinin keçmiş qubernatoru Mixail Saakaşvilinin Ukrayna liderinə məktubunu dərc edib.

Publika.az xəbər verir ki, mətbuat katibi Saakaşvilinin dövlət başçısına verdiyi sözü yerinə yetirmədiyini bildirib.

“M. Saakaşvili prezidentə məktubunda etiraf etdi ki, çox siyasi səhvə yol verir. O, vəziyyətin sonrakı destabilizasiyasına qaçmamağa söz verdi və “səlahiyyətli nümayəndə” ilə danışıqları təklif etdi. Ancaq, Beynəlxalq Mədəniyyət və Sənət Mərkəzinə hücum göstərir ki, cənab Saakaşvili öz sözünü yerinə yetirmədi”, - Seqolko yazıb.

Poroşenkonun mətbuat katibi əlavə edib ki, məktub jurnalistlərin çoxsaylı sorğuları, həmçinin Saakaşvilinin özünün şərhləri nəzərə alınaraq dərc edilib. Seqolkonun sözlərinə görə, Saakaşvili məktubun məzmunu ilə manipulyasiya edir.

Daha əvvəl Saakaşvili KİV-in xəbərlərini təsdiq edərək dialoq təklifi ilə Ukrayna prezidentinə məktub göndərdiyini bildirib.

Ömər