Azər Baxşəliyev sağdır - Həkimlərdən SON DƏQİQƏ AÇIQLAMASI - YENİLƏNDİ

Aktyor Azər Baxşəliyevin son durumu açıqlanıb.

Publika.az xəbər verir ki, ATU-nun mətbuat katibi Günel Aslanova Axşam.az-a bildirib ki, aktyorun ürək fəaliyyəti yenidən bərpa olunub və hazırda onun vəziyyəti ağır kritik olaraq qalır:

“Xəstə koma vəziyyətində xəstəxanaya daxil olub. Lakin daha sonra müdaxilələrə baxmayaraq xəstənin ürəyi dayanıb. Bununla bağlı məlumat yaydıqdan dəqiqələr sonra bəlli oldu ki, həkimlərin səyləri nəticəsində xəstənin ürək döyüntüləri bərpa edilib. Hazırda süni tənəffüs aparatına qoşulu vəziyyətdədir. Reanimasiyadadır, vəziyyəti ağır kritik olaraq qalır”.

xxx

16:55

Azərbaycan Tibb Universitetinin (ATU) Tədris Cərrahiyyə Klinikasının Reanimasiya şöbəsində koma vəziyyətində olan aktyor vəfat edib.

Publika.az xəbər verir ki, bu barədə "Report"a klinikadan məlumat verilib.

xxx

Ölüm xəbəri yayılan tanınmış aktyor Azər Baxşəliyev hazırda reanimasiyadadır.

Publika.az xəbər verir ki, bu barədə Oxu.az-a onun müalicə aldığı xəstəxanadan məlumat verilib.

Bildirilib ki, onun müalicəsi hazırda davam etdirilir.

xxx

Aktyor Azər Baxşəliyev vəfat edib.

Publika.az xəbər verir ki, aktyor böyrək çatışmazlığından əziyyət çəkirdi. O, uzun müddətdir böyrəkköçürmə əməliyyatı üçün donor axtarırdı.

A.Baxşəliyev daha çox "Ağsaqqal" obrazı ilə sevilib.