Rəqibindən Ərdoğana şok ittiham

Türkiyə prezidentliyinə namizəd Ekmələddin İhsanoğlu rəqibi, baş nazir Rəcəb Tayyib Ərdoğanı sərt tənqid edib.

ANS PRESS-in məlumatına görə, İhsanoğlu Ərdoğanın İsrailin Qəzza zolağında apardığı hərbi əməliyyatlarını tənqid etməsini səmimi saymayıb:

"Hakim Ədalət və İnkişaf Partiyası Avropa İqtisadi Əməkdaşlıq Təşkilatının İsrailə qoyduğu vetonun aradan qaldırılmasına imza atıb. İsrailin üzv olması üçün Türkiyə hökümətinin vetosunun qaldırması lazım idi. Siz İsrailə qarşı indi bir şey deyirsiniz. Lakin mediada AKP-nin ümumi başqanı Numan Kurtulmuşun bir neçə il əvvəl İsraillə münasibətləri haqqında dedikləri mediada yer alıb. O, özü İsrailin Avropa İqtisadi Əməkdaşlıq Təşkilatına üzv olmasına görə, Türkiyə hökumətini tənqid etmişdi. Eyni vəziyyət İsraillə bağlı Beynəlxalq Atom Enerjisi Agentliyində də yaşandı, Türkiyə yenə İsrailin lehinə imza atdı".

Prezidentliyə namizəd rəqib düşərgənin onun barəsində "İsraili niyə tənqid etmir?" sualına belə cavab verib:

"Mənə deyirlər ki, İsraili günahlandırmıram. Mən doqquz il İsraili günahlandırmış adamam. İsrailin ilk dəfə Qəzzaya etdiyi hücumu BMT-nin hesabatına salan mən olmuşam".