Bütün dünyaya xəbərdarlıq edildi: Qlobal istiləşmə bitdi, qlobal qaynama başladı

Qlobal qaynama dövrü başlayıb.

Publika.az "CNN Türk" kanalına istinadən xəbər verir ki, Birləşmiş Millətlər Təşkilatı qlobal istiləşmə dövrünün bitdiyini və dünyanın qlobal qaynama dövrünə qədəm qoyduğunu elan edib.

“Qlobal istiləşmə dövrü sona çatıb, qlobal qaynama dövrü başlayıb. Hava dözülməzdir, nəfəs almaq olmur", - Birləşmiş Millətlər Təşkilatının (BMT) Baş katibi Antonio Quterreş iqlim böhranını bu sözlərlə izah edib.

İqlim dəyişikliyinin yaratdığı həddindən artıq istilər dünyada fəlakət ssenarilərinə səbəb olur. İyulun, hazırkı temperaturlara görə son 120 000 ilin ən isti ayı ola biləcəyi açıqlanıb. Nəticələr faciəvidir", - o əlavə edib.

Quterreş dünyanı temperatur artımını məhdudlaşdırmaq və iqlim dəyişikliyinin zərərli nəticələrindən qaçmaq üçün təcili tədbirlər görməyə çağırıb. Onun sözlərinə görə, qalıq yanacaq şirkətləri bərpa olunan enerji mənbələrinə keçməlidir. "Əvvəlcə başqalarının hərəkətə keçməsini gözləmək lazım deyil. Bunun üçün artıq vaxt yoxdur. Qlobal temperatur artımını 1,5 dərəcə Selsi ilə məhdudlaşdırmaq və həddindən artıq istiləşmədən qaçmaq üçün bir araya gəlmək hələ də mümkündür", - o vurğulayıb.

Mehti Kamiloğlu