Dünya

OPEC+ neft tədarükü ilə bağlı açıqlama yaydı: Aprel ayına qədər...

2 Fevral 2024 09:57

OPEC+ tərəfindən verilən açıqlamada aprelin 3-dək neft hasilatının azaldılması siyasətini davam etdirəcəyi açıqlanıb.

Publika.az xəbər verir ki, açıqlamada İstehsal Monitorinq Komitəsinin 2023-cü ilin noyabr və dekabr ayları üzrə xam neft hasilatı məlumatlarını nəzərdən keçirdiyi və qrup üzvlərinin hasilatla bağlı qəbul edilən qərarlara böyük ölçüdə əməl etdiyi müşahidə edildiyi bildirilib.

Vurğulanıb ki, hasilatın azaldılması siyasəti dünya neft bazarında baş verən proseslərə uyğundur, ona görə də bu siyasət aprelin 3-də keçiriləcək iclasa qədər davam etdiriləcək.

OPEC+ qrupu 2022-ci ilin noyabr ayında gündəlik hasilatı 2 milyon barel azaldacağını açıqlayıb. May ayından etibarən əlavə olaraq gündəlik təxminən 1,6 milyon barel azalma qərarını verib. Bundan əlavə, 9 üzv ölkə 2023-cü ilin iyul ayından etibarən müxtəlif məbləğlərdə könüllü ixtisarlar həyata keçirib.

Roza Şəfiyeva