Dünya

Olland Sarkozinin kadrlarını vurur

31 May 2012 21:15

Fransa prezidenti Fransua Olland keçmiş prezident Nikola Sarkozinin vəzifədə olan ən yaxın adamlarını uzaqlaşdırmağa başlayıb.

Publika.Az-ın məlumatına görə, Olland Sarkoziyə yaxınlığı ilə tanınan 3 polis rəisini işdən azad edib.

Ollandın rəhbərliyi ilə keçirilən Nazirlər Kabinetinin toplantısından sonra verilən açıqlamada Daxili Kəşfiyyat İdarəsinin rəhbəri Bernard Squarçini, Baş Polis İdarəsinin rəhbəri Frederik Peşenard və Paris Polis İdarəsinin rəhbəri Mişel Qodinin vəzifələrindən azad edildiyi bildirilib.

İşdən azad edilənlərin keçmiş prezident Sarkozi ilə həddindən artıq yaxın olmaları solçuların narazılığına səbəb olmuşdu.

Sarkozinin daxili kəşfiyyat vasitəsilə mətbuat nümayəndələrinin telefonlarını dinlətdiyi ilə bağlı iddialar insan haqları dərnəkləri və vətəndaş cəmiyyəti nümayəndələri tərəfindən tənqid olunmuşdu.

Anar Əhmədov

Publika.Az