Dünya

Burnunuzu bağlayın - XƏBƏRDARLIQ

6 Yanvar 2015 19:22

ABŞ-ın Yelsk Universitetinin alimləri tərəfindən aparılan tədqiqatlar sübut edib ki, burunun şərflə bürünməsi soyuqdəymə xəstəliklərinə yoluxma riskini aşağı salır.

Publika.az-ın verdiyi xəbərə görə, bu barədə “The Daily Telegraph” qəzeti yazıb.

Tədqiqatçılar qeyd edirlər ki, hər beş nəfərdən biri rinovirus daşıyıcısıdır, amma immun sistemi orqanizmdə onun yayılmasına mane olur. Ancaq alimlər iddia edirlər ki, temperaturun mənfi beş dərəcəyə qədər soyuması immun sisteminin virusa müqavimət göstərməsini dayandırır.

Professor Akiko İvasaki bildirib ki, daha aşağı temperatur immun sisteminin rinovurusa anadangəlmə müqavimət qabiliyyətini zəiflədir.

“The Daily Telegraph” qeyd edir ki, əvvəllər insanların soyuq havalarda isti geyməsi soyuqdəymə xəstəliklərinin sayının artmasının əsas səbəbi hesab olunurdu. Hesab olunurdu ki, binalarda havanın təmizlənməməsi nəticəsində virus daha sürətli yayılır.

Ömər Dağlı