Dünya

Donetsk aeroportunda genişmiqyaslı döyüş başladı - SON DƏQİQƏ

16 Yanvar 2015 16:15

Separatçılar bu gün Donetsk aeroportuna yenidən hücum ediblər.

Publika.az-ın “unian.net” saytına istinadən verdiyi məlumata görə, bu barədə Ukrayna prezidentinin məsləhətçisi Yuri Biryukov “Facebook” səhifəsində yazıb.

Yuri Biryukov sentyabr ayından sonra aeroport ərazisində ən şiddətli döyüşlərin getdiyini qeyd edib. Onun sözlərinə görə, Ukrayna hərbçiləri arasında yaralılar var: “Dünən gecəyarı vəziyyət sabitləşmişdi. Amma səhər tezdən rəqib geniş hücuma başlayıb. Bizim tərəfimizdən yaralılar var, həlak olanlar haqqında informasiya hələlik yoxdur”.

Ukrayna Milli Təhlükəsizlik və Müdafiə Şurasının analitik-informasiya mərkəzinin sözçüsü Andrey Lısenko isə antiterror güclərinin Donetsk aeroportunda rəqibin canlı qüvvəsinə böyük itki verdiyini bildirib.

Ömər Dağlı