Dünya

İŞİD-dən daha bir DƏHŞƏT: Futbol matçı izləyən 13 uşaq güllələndi

21 Yanvar 2015 02:15

İŞİD terror təşkilatı daha bir dəhşət doğuran hərəkətə imza atıb.

Publika.az xarici mətbuata istinadən xəbər verir ki, təşkilat İraq ilə İordaniya arasındakı futbol matçını izləyən 13 uşağı edam edib.

Uşaqlar Mosulun Əl-Yarmuk məhəlləsində güllələnərək öldürülüb. Asiya Kuboku çərçivəsində baş tutacaq İraq-İordaniya matçından əvvəl İŞİD matçın izlənilməsinin qadağan olunduğunu bildirən afişalar asıb. Afişalarda futbol matçının izlənilməsinin islam dininə uyğun olmadığı və Qərbdən gəldiyi vurğulanıb. Uşaqları oyunu izlərkən bir kafedə tutan İŞİD silahlıları onları edam etmək üçün futbol meydançasına aparıb.

İŞİD-in öldürdüyü 13 uşaqdan 4-nün qardaş olduğu və cəsədlərin hələ də futbol meydançasında qaldğı deyilir. İŞİD-dən qorxan ailələr uşaqlarının cəsədini götürə bilmir.

Ömər Dağlı