Dünya

Şok iddia: Diplomatlarla dəyişdirilən terrorçunu Türkiyə göndərdi

22 Yanvar 2015 22:57

Livanın “Al-Akhbar” qəzeti ölkədə həyata keçirilən son intihar hücumu ilə əlaqədar şok bir iddia irəli sürüb.

Publika.az xəbər verir ki, 9 nəfərin öldüyü terror hücumunda Türkiyə ittiham edilib.

Qəzetin yazdığına görə, hadisədə iştirakda şübhəli hesab olunaraq saxlanılan 11 nəfərdən biri - Zakariya H. Türkiyə tərəfindən mübadilə əsasında göndərilən şəxsdir. “Əbu Yəhya” ləqəbi ilə tanınan terrorçu 10 yanvar tarixində Trablusdakı bir kafedə bir-birinin ardında həyata keçirilən iki intihar hücumunda günahkarlardan biri hesab olunur.

Livanda son yaşanan intihar hücumunu planlaşdırdığı deyilən “Əbu Yəhya”nın Mosulda girov götürülən türk diplomatların azad edilməsi üçün mübadilə edilən şəxslərdən biri olduğu iddia edilir.

Ömər Dağlı