"Dövlət qulluğu sahəsində 2 min boş yer var" - Deputat
Bizi izləyin

Elm və təhsil

"Dövlət qulluğu sahəsində 2 min boş yer var" - Deputat

Bu gün dövlət qulluğu sahəsində 2 min yer vakantdır.

Publika.az xəbər verir ki, bu sözləri millət vəkili Zahid Oruc parlamentin bugünkü iclasında bildirib.

Millət vəkili parlamentdə dəfələrlə dövlət qulluğu ilə bağlı düzəliş və dəyişikliklər qəbul edildiyinə diqqət çəkib:

“Bu gün 34 min dövlət qulluqçusu ştatı var. 2000 vakansiya boş qalmaqda davam edir. Bu, o deməkdir ki, insanların universiteti necə qurtarmasından asılı olmayaraq bu yerlər boş qalır. Azərbaycan insanının işə necə ehtiyacı olduğunu bilirik. Biz bu sistemi Rusiya qanunvericiliyindən götürmüşük. Rusiya isə federal dövlətdir, biz unitar quruluşa malikik.Hesab edirəm ki, biz bu təsnifata yenidən baxmalıyıq”.

Spiker Oqtay Əsədov isə millət vəkilinin vakansiya ilə bağlı fikirlərinə etiraz edib: “Dövlət qulluğu ilə bağlı hesabat verilir. Hər il nə qədər insan işə qəbul olunur, nə qədər insan pensiyaya çıxırsa bununla bağlı hesabat verilir. 2000 yerin boş olduğunu heç kim deyə bilməz. Əgər hesabat verilmirsə, bu qədər yerin boş olduğunu necə bilirsən “.

Z.Oruc isə cavabında dövlət qulluğu sisteminə yeni yanaşmanı təklif etdiyini deyib.

Gülxar

Oxumağa davam et
Reklam
Reklam

Gündəm