• USD 1,7000 0,00% EUR 1,8840 -0,10%
    • GBP 2,0603 -0,28% RUB 0,0258 +0,78%

Aİ Azərbaycandan qaz tədarükündə maraqlı ola bilər - Avropa Komissiyası

Aİ Azərbaycandan qaz tədarükündə maraqlı ola bilər - Avropa Komissiyası

Avropa İttifaqı (Aİ) Azərbaycanın işlənəcək yataqlarından qaz tədarükündə maraqlı ola bilər.

Publika.az Trend-ə istinadən xəbər verir ki, bu barədə Avropa Komissiyasından bildiriblər.

Qeyd olunub ki, Aİ-nin enerji şaxələndirilməsi siyasəti təkcə yeni qaz mənbələrinə deyil, həm də yeni tədarük marşrutlarına yönəlib:

"Tədarükün təhlükəsizliyi ilə bağlı siyasəti çərçivəsində Aİ Xəzər dənizindən - Azərbaycanın hələ işlənməmiş yataqlarından və Türkmənistandan qaz tədarüklərində maraqlı ola bilər".

Bu baxımdan Avropa Komissiyasında "Cənub Qaz Dəhlizi"nin enerji ehtiyatları tədarükünün şaxələndirilməsi üçün vacibliyini vurğulayıblar:

"Layihənin reallaşdırılması başa çatdıqdan sonra Aİ "Şahdəniz-2" yatağından 10 milyard kubmetr qaz əldə edəcək. "Cənub Qaz Dəhlizi"nin buraxılış qabiliyyəti daha güclü kompressor stansiyaları sayəsində artırıla bilər".

Qeyd edək ki, 2018-ci il mayın 29-da Bakıda "Cənub Qaz Dəhlizi"nin birinci mərhələsinin rəsmi açılış mərasimi keçirilib. İyunun 12-də isə Türkiyənin Əskişəhər şəhərində TANAP qaz kəmərinin istifadəyə verilməsi münasibətilə təntənəli mərasim keçirilib.

Cənub Qaz Dəhlizinə "Şahdəniz-2" qaz yatağı, Cənubi Qafqaz Boru Kəməri, TANAP və TAP layihələri daxildir. 1,2 trilyon təbii qaz ehtiyatına malik "Şahdəniz" Azərbaycanın ən iri qaz-kondensat yatağı və "Cənub Qaz Dəhlizi"nin hasilat mənbəyidir.

Xəbər lenti

DAHA ÇOX XƏBƏR