Neftin və qızılın qiyməti YENİDƏN BAHALAŞDI

Səudiyyə Ərəbistanı qiymətləri bütün bölgələr üçün may ayına müəyyən edilmiş səviyyədən yuxarı qaldırıb.

Publika.az xəbər verir ki, dünya əmtəə bazarında neftin qiymətinin qalxdığı dönəmdə qızılın qiyməti yenidən 1700 dollar həddinə çatıb.

Bu ayın əvvəlindən başlayaraq istehsalın azalması bazarlarda qiymətlərin sabit qalmasına ciddi təsir göstərib.

Rusiyanın energetika nazirinin müavini Pavel Sorokin bildirib ki, neft bazarlarının bərpası üçün dəqiq əlamətlər var. Sorokin çərşənbə günü ölkəsinin tezliklə istehsalın azaldılması ilə bağlı məqsədlərinə çatacağını vurğulayıb. O, həmçinin xəbərdarlıq edib ki, Neft İxrac Edən Ölkələr Birliyi (OPEK) və onun müttəfiqləri tərəfindən formalaşdırılan OPEK+ qrupunun imzaladığı hasilatın azaldılması haqqında sazişin pozulması heç kimə xeyir gətirməyəcək.

İyun ayında "Brent" markalı neftin dünya bazarlarına nəqli 6,22 faiz artaraq 31,58 dollara, iyun ayında isə Qərbi Texasda neft tədarükü 8,88 faiz artaraq 26,11 dollara çatacağı proqnozlaşdırılır.