Azərbaycandan İtaliyaya uzanan nəhəng layihə tamamlanır: ilin sonunda...

“Şahdəniz 2” yatağının qazını Avropaya daşıyacaq Trans Adriatik Boru Xəttinin (TAP) dənizin içindəki 105 kilometrlik hissəsinin inşası tamamlanıb.

Publika.az xəbər verir ki, bu barədə TAP-ın rəsmi saytı məlumat yayıb.

Bildirilib ki, layihədə İtaliya və Albaniya sahillərinin biri-birinə bağlanması üçün işlərə yanvar ayında start verilib. Adriatik dənizinin dibindən keçən 9 min boru 810 metr dərinlikdə quraşdırılıb. Beləliklə, 878 km uzunluğundakı TAP-ın 105 kilometrlik hissəsi tamamlanaraq yeni mərhələyə keçid edilib. Bu da layihənin 95%-nin tamamlanması deməkdir.

İlin sonunda boru xəttindən Avropaya ilk qaz transferinin həyata keçirilməsi planlaşdırılır.

Azərbaycanın “Şahdəniz 2” yatağından çıxarılan qazı Avropaya nəql edəcək TAP Türkiyə-Yunanıstan sərhədində Trans Anadolu boru kəmərinə (TANAP) bağlanıb.

Cənub Qaz Dəhlizinin Avropa qolunu əhatə edən TAP Yunanıstan, Albaniya və Adriatik dənizindən keçərək İtaliyaya 10 milyard kubmetr qaz nəql edəcək.

TAP-ın 20%-i BP, SOCAR və “Snam”ın əlindədir. Layihədə “Fluxys” 19, “Enagas” 16, “Axpo” 5% hissəyə sahibdir.

Zümrüd