SOCAR endirimli tariflə Gürcüstana qaz satacaq

Gürcüstanın Baş naziri səlahiyyətlərini icra edən Giorgi Qaxaria Azərbaycanın Dövlət Neft Şirkətinin (SOCAR) prezidenti Rövnəq Abdullayevi qəbul edib.

Publika.az xəbər verir ki, bu barədə Gürcüstan Hökumət Administrasiyasından məlumat verilib.

Verilən məlumata görə, görüş zamanı Gürcüstan və Azərbaycan arasındakı mehriban qonşuluq münasibətləri və tərəfdaşlığın müxtəlif istiqamətləri müzakirə edilib. Eləcə də SOCAR-ın Gürcüstanda həyata keçirdiyi investisiya layihələrinə və gələcək əməkdaşlığın dərinləşdirilməsi perspektivlərinə xüsusi diqqət yetirilib.

Hökumət Administrasiyasının məlumatında, Gürcüstan korporasiyasının SOCAR ilə təbii qaz sahəsində uğurlu əməkdaşlığı olduğu, bunun da bir nəticəsinin ölkədəki sosial qazın qiymətinin optimallaşdırılmasına dair razılaşmanın olduğu qeyd edilib.

Xüsusilə, Gürcüstan hökumətinin təlimatı ilə İqtisadiyyat və Davamlı İnkişaf Nazirliyi, Neft və Qaz Korporasiyası və "SOCAR" şirkəti ilə danışıqlarda, 200 milyon kubmetr endirimli tariflə sosial qaz alacaq. 2016-cı ildən bəri qüvvədə olan Sosial Qaz Təchizatı Müqaviləsindəki dəyişiklik, Gürcüstanın İqtisadiyyat və Davamlı İnkişaf naziri Natia Turnava, Neft və Qaz Korporasiyasının baş direktoru Giorgi Baxtadze və SOCAR prezidenti Rövnəq Abdullayev tərəfindən baş nazirlə bugünkü görüşdən sonra imzalanıb.

“Bu razılaşma nəticəsində Gürcüstan hökuməti əhali üçün təbii qaz qiymətinin sabitliyini daha uzun müddət qoruya biləcək.

Şahdəniz qazının Avropa bazarına tədarükünü nəzərdə tutan Cənub Qaz Dəhlizinin dördüncü mərhələsi başa çatdıqdan sonra daha çox Azərbaycan qazının Gürcüstan ərazisindən keçəcəyi vurğulanıb. Eyni zamanda, ölkənin tələbini ödəmək üçün Azərbaycan qazını daha sərfəli qiymətə ala biləcəkdir. Giorgi Qaxaria ilə görüşdə müqavilənin imzalanma mərasimində Azərbaycanın Gürcüstandakı fövqəladə və səlahiyyətli səfiri Faiq Quliyev, SOCAR-ın Gürcüstan təmsilcisi Mahir Məmmədov da iştirak edib", - deyə məlumatda bildirilib.