Enerji

Türkiyə dənizdə daha bir qaz yatağı kəşf etdi

5 İyun 2021 06:07

Türkiyə Qara dənizdə daha bir qaz yatağı kəşf edib.

Publika.az xəbər verir ki, 135 milyard kubmetrdən çox qaz ehtiyatının olduğu yeni qaz yatağını aşkarlanması barədə məlumatı Türkiyə prezidenti Rəcəb Tayyib Ərdoğan şəxsən çatdırıb. O bildirib ki, "Fatih” qazma gəmisi yeni “Amasra-1” yatağında həcmi 135 milyard kubmetrdən çox olan qaz yığını aşkarlayıb", - Türkiyənin Qara dəniz sahilində Filios limanının açılışında çıxış edən Ərdoğan deyib.

Onun sözlərinə görə, beləliklə, keçən ilki kəşf nəticəsində Qara dəniz şelfində qazın ümumi ehtiyatları təxminən 500 milyard kubmetr təşkil edir. 2020-ci ilin avqustunda Ərdoğan Qara dənizdə “Sakarya” yatağında təxminən 320 milyard kubmetr ehtiyatların aşkar olunması haqqında bildirib.