Enerji

Yeni yol xəritəsi hərtərəfli olacaq - Pərviz Şahbazov

5 Noyabr 2021 10:11

Azərbaycanda Xəzərin külək potensialının istismarı üzrə yol xəritəsi hazırlanır. Onu Beynəlxalq Maliyyə Korporasiyası, müvafiq mütəxəssis qrupları ilə birlikdə hazırlayırıq.

Publika.az xəbər verir ki, bunu jurnalistlərə açıqlamasında Energetika naziri Pərviz Şahbazov deyib.

Onun sözlərinə görə, yeni hazırlanacaq yol xəritəsi hərtərəfli olacaq: "Əsas məqsədi odur ki, Xəzərdəki çox böyük külək enerjisinin potensialının istifadəsi necə mümkün ola bilər. Onun ən yaxşı yollarını axtarıb tapmaq lazımdır. İqtisadi nöqteyi-nəzərdən, yüksək texnologiyaların istifadəsi nəzərindən, kommersiya nöqteyi-nəzərdən də cəlbedici olması lazımdır ki, müvafiq investisiya layihələri həyata keçirilə bilsin".