• USD 1,7000 0,00% EUR 1,9208 0,00%
    • GBP 2,2592 0,00% RUB 0,0230 0,00%

Yalnız təmirdən sonra kəmərdə hava qala bilər - "Azəriqaz"

Yalnız təmirdən sonra kəmərdə hava qala bilər - "Azəriqaz"

"Azəriqaz" İstehsalat Birliyi tərəfindən vaxtaşırı qazın keyfiyyət göstəriciləri yoxlanılır. Bu gün satılan qazın keyfiyyət göstəriciləri meyarlara tam uyğundur.

Publika.az xəbər verir ki, bunu "Azəriqaz" İstehsalat Birliyinin Baş direktoru Ruslan Əliyev deyib.

Onun sözlərinə görə, qazın keyfiyyətinin dəyişdirilməsi, hər hansı kənar müdaxilə edilməsi mümkün deyil: "Qazın tərkibinə yalnız "adalant" deyilən maddə vurulur ki, sıxma zamanı qazın iyi müəyyən edilsin. Qazın tərkibinə hava vurulması kimi fikirlər yayılır. Havanın təzyiq altında olan hər hansı qaz kəmərinə vurulması mümkün deyil. Bu, ancaq kipliyi yoxlamaq üçün edilə bilər. Yaxud havanın kəskin dəyişməsi zamanı kəmərlərdə maye toplanması əmələ gəlir. Mayeni kəmərdən çıxarmaq üçün yüksək təzyiqli hava vurulur. Hava qazla birlikdə üfürülür. İstisna hallarda ola bilər ki, mətbəxdə olan qaz avadanlıqlarında hava yığılması müşahidə edilsin. Bu hava gələndə açıq qoyun və sayğaca baxın. Sayğac göstəricisi dəyişmir. Fasiləsiz qaz verilən kəmərdə hava gəlməsi mümkünsüzdür. Yalnız təmirdən sonra kəmərdə hava qala bilər ki, onu da binaların girişində olan qazpaylayıcı şkaflarda havatəmizləyici vasitəsilə buraxırıq. Mənzillərdə qaz borusundan havanı çıxarmaq mümkün deyil. Hava mütləq mətbəxdəki qaz avadanlığından çıxmalıdır".

Halal Nemət

Xəbər lenti

DAHA ÇOX XƏBƏR