Dünya bazarında neft yenidən BAHALAŞIR

Dünya bazarında neftin qiyməti qlobal hasilatın mümkün azalması səbəbindən yüksəlir.

Publika.az xəbər verir ki, bu barədə “Yahoo!Finance” yazır.

"Bazar ertəsi neft qiymətləri cümə günü yüksəlişini davam etdirdi, çünki OPEC+ mümkün yeni hasilatın azaldılması və Liviyada qanlı toqquşmalar fonunda bazarda əsas rol oynayıb və bu, Liviya neftinin ixracı ilə bağlı narahatlıqları təzələyib", - materialda deyilir.

Qeyd olunur ki, WTI markalı xam neft bazar ertəsi demək olar ki, 3% bahalaşaraq 96,04 dollara çatıb. 104 dollara satılan Brent markalı neftin qiyməti də artıb.

"Brent keçən həftə yenidən 100 dollar/bareldən yuxarı qalxdı və Səudiyyənin energetika naziri şahzadə Əbdüləziz bin Salmanın OPEC+-ın sabitliyə gətirəcəyi təqdirdə istənilən vaxt və istənilən formada hasilatı azaltmağa hazır olduğunu deməsindən sonra əsasən bu səviyyənin üzərində ticarət edir", - "Yahoo! Finance" qeyd edib.

Liviyada ən azı 30 nəfərin öldüyü qanlı toqquşmalar enerji qiymətlərinin artmasına səbəb olub.

“OPEC-in sentyabrın 5-nə planlaşdırılan görüşündə hasilatın azaldılmasının müzakirə edilib-edilməyəcəyi hələ bəlli deyil”, - məqalə yekunlaşır.

Hüseyn İbadlı