Qazın qiyməti minimuma endi

Avropada qazın qiyməti minimuma enib.

Publika.az xəbər verir ki, Avropada təbii qazın birja qiymətləri son bir ayda minimum səviyyəyə düşüb. Avropanın ən böyük mərkəzi TTF indeksi üzrə avqust fyuçerslərinin dəyəri 2,8 faiz azalıb. Bunu Londonun ICE platformasının ticarət məlumatları sübut edir.

"Bloomberg" belə dinamikanın əsas səbəbi kimi bir neçə amili göstərib.

Bildirilir ki, Avropanın yeraltı anbarlarında (UGS) rekord səviyyədə yanacaq ehtiyatı var.

Bu günə qədər onlar ümumi tutumlarının 80 faizinə qədər doldurulmuşdur. Lakin növbəti qış isitmə mövsümündə soyuq hava şəraiti ehtiyatların sürətlə azalmasına səbəb ola bilər. Bu səbəbdən, ekspertlərin fikrincə, Avropada enerji böhranının keçməsi barədə danışmaq hələ tezdir.

Bundan əvvəl Norveçdə son on ildə ən böyük qaz yatağının kəşf edilməsi barədə məlumat verilmişdi. O, mövcud infrastruktura yaxın yerdə yerləşir, ona görə də onun üzərində hasilata başlamaq nisbətən qısa müddətdə mümkündür ki, bu da geniş miqyaslı yatağın işlənməsini xeyli asanlaşdıracaq və digər Avropa ölkələrinə yanacaq tədarükünün həcmini artırmağa kömək edəcək.

Mehti Kamiloğlu