Neftin qiyməti RİSK ALTINDA: İsrail hücuma reaksiya verməsə...

İran və İsrail arasında münaqişənin kəskinləşməsi neft qiymətlərinin artmasına səbəb olacaq.

Publika.az xəbər verir ki, bu barədə "Bloomberg"ə müsahibə verən ekspertlər proqnoz veriblər.

Belə ki, İranın hücumlarından sonra hərracların açılışında neftin qiymətinin kəskin artacağını İsveçrənin ən böyük maliyyə holdinqi "UBS Group"un analitiki Covanni Staunovo proqnozlaşdırıb. Onun fikrincə, qiymətlərin qalxmasının nə qədər davam edəcəyi İsrailin reaksiyasından asılı olacaq.

Yaxın Şərqdəki FGE konsaltinq şirkətinin idarəedici direktoru iman Nasseri isə, İsrailin gələcək hərəkətləri və ya İranın Fars körfəzində gəmiçiliyə müdaxiləsi ilə bağlı narahatlıqlar fonunda artıq 10 dollar risk mükafatı da daxil olmaqla neft qiymətlərinin daha 2-5 dollar arta biləcəyini proqnozlaşdırıb.

Xatırladaq ki, aprelin 13-ü axşam saatlarında İran Silahlı Qüvvələri İsrail ərazisinə 185 pilotsuz uçuş aparatı, 36 qanadlı raket və 110 yer-yer raketi atıb. Tehran bunu aprelin 1-də ölkənin Dəməşqdəki konsulluğuna edilən hücuma cavab adlandırıb.

Hüseyn İbadlı