Dünyanın ən böyük elektrik stansiyası işə düşdü: gücü bir dövlətə bəs edər

Çində dünyanın ən böyük günəş elektrik stansiyası (GES) istifadəyə verilib.

Publika.az xəbər verir ki, bu barədə "Reuters" məlumat yayıb.

Günəş elektrik stansiyası Çin Xalq Respublikasının milli enerji şirkəti "Power China"ya məxsusdur. Stansiyanın gücü 3,5 giqavatdır ki, bu da üç milyondan çox ev təsərrüfatını enerji ilə təmin edəcək. İşığa həssas günəş panelləri stansiyanın 800 kvadrat kilometrdən çox ərazisini əhatə edir.

Günəş elektrik stansiyası 2023-cü ilin avqustunda ölkənin şimal-qərbində Çinin Sincan-Uyğur Muxtar Bölgəsinin səhra hissəsində inşa edilməyə başlanıb. Hazırda şəbəkəyə 1,5 giqavatlıq sahə qoşulub. Stansiya tam şəkildə şəbəkəyə qoşulduqda rayonda orta illik enerji istehsalı altı milyard kilovat-saatı ötəcək. Stansiyanın gücü onu kiçik bir dövlətə, məsələn, Lüksemburqa təmin etmək üçün kifayət edərdi.

SES-in kömür istehlakını iki milyon ton azaldacağı gözlənilir ki, bu da karbon qazı, his və azot oksidlərinin emissiyalarını azaldacaq.

Adəm