Azərbaycan Serbiyaya qaz nəqlini DAYANDIRDI - SƏBƏB

Azərbaycan "Şahdəniz" yatağında yaranan problemlərə görə Serbiyaya sutkada 1,7 milyon kubmetr qaz tədarükünü dayandırmaq məcburiyyətində qalıb.

Publika.az TASS-a istinadla xəbər verir ki, bu barədə Balkan Respublikasının Prezidenti Aleksandar Vuçiç məlumat verib.

Vuçiç vurğulayıb ki, Bakı Belqrada xəbərdarlıq edib ki, qaz təchizatının bərpasına nə qədər vaxt lazım olacağına dair əminlik və aydınlıq yoxdur.

Serbiya prezidentinin sözlərinə görə, bu o deməkdir ki, ölkə öz ehtiyatlarına daha çox pul xərcləməyə başlayır.

Vuçiç əlavə edib ki, ölkənin qış mövsümü üçün kifayət qədər enerji ehtiyatı var və həmçinin Azərbaycandan qaz nəqlinin tezliklə bərpa olunacağına ümid edir.

Yanvarın 2-də Serbiyanın energetika və dağ-mədən sənayesi naziri Dubravka Dedoviç-Handanoviç bəyan edib ki, Rusiya qazının Ukrayna ərazisindən tranzitinin dayandırılması respublikaya ziyan vurmayacaq, çünki respublika enerji resursları ilə başqa marşrutla təmin olunur.

Nazir əlavə edib ki, hazırda Serbiyanın qaz ehtiyatları 440 milyon kubmetr, kömür ehtiyatları isə 1,6 milyon ton təşkil edir.

Hüseyn İbadlı