Dünyanı silkələyən qərardan sonra NEFT DƏ UCUZLAŞDI

Londonun ICE birjasında "Brent" markalı neftin qiyməti 26 aprel 2021-ci ildən bəri ilk dəfə olaraq bir barel üçün 64 dollardan aşağı düşüb.

Publika.az xəbər verir ki, bu barədə TASS məlumat yayıb.

Bakı vaxtı ilə saat 2:09-a olan məlumata görə, 2025-ci ilin iyun ayı üçün "Brent" markalı neftin fyuçerslərinin qiyməti 2,41% azalaraq 63,97 dollar/barelə düşüb.

Martın birinci yarısında "BCS World of Investments"in birja eksperti Lyudmila Rokotyanskaya bildirib ki, "Brent" markalı neftin qiyməti 2025-ci ildə bir barel üçün 60-65 dollara düşə bilər.

Səbəb OPEC+-dan kənar ölkələrdən hasilatın artması, həmçinin 2025-2026-cı illərdə neftə tələbatın artması ilə bağlı pessimist proqnozlardır.

Rokotyanskaya izah edib ki, Trampın tarif siyasəti indi qlobal iqtisadiyyatın gələcək artımı və nəticədə enerji resurslarına tələbatla bağlı narahatlığı artırır.

Onun sözlərinə görə, neftin dinamikası proqnozlaşdırılması çətin olan bir çox digər amillərdən də asılıdır. Ekspert bildirib ki, bu, ilk növbədə geosiyasətdir - məsələn, İrana qarşı sanksiyaların artacağı istisna edilmir.

Hüseyn İbadlı