Enerji

Səkkiz ölkə neftlə bağlı QƏRAR VERDİ - Bu aydan artırılır

4 Avqust 2025 08:00

Neft hasilatını könüllü azaldan səkkiz OPEC+ ölkəsi sentyabrda hasilatı aprelin 1-də müəyyən edilmiş səviyyədən gündəlik 547 min barel artırmaq qərarına gəlib .

Publika.az xəbər verir ki, bunun dörd ay ərzində hasilatın artırılması ilə bağlı ilkin plana uyğun olduğu bildirilir.

Bunla bağlı Rusiya, İraq, Qazaxıstan, Küveyt, Oman, Əlcəzair, Səudiyyə Ərəbistanı və BƏƏ qərarlarını açıqlayıb.

Qeyd edilib ki, əlavə könüllü istehsal məhdudiyyətlərindən mərhələli çıxış, dəyişən bazar şəraitindən asılı olaraq dayandırıla və ya ləğv edilə bilər.

"Belə çeviklik qrupa neft bazarında sabitliyi davam etdirməyə imkan verəcək", - bəyanatda deyilir.

Bundan əlavə, bu tədbir, iştirakçı ölkələrə kompensasiya ödənişlərini sürətləndirmək imkanı verəcək.

Hüseyn İbadlı