Azərbaycanın təbii qazı Suriya çatdı
Bizi izləyin

Enerji

Azərbaycanın təbii qazı Suriya çatdı

Azərbaycanın təbii qazı Suriya çatdı

Türkiyənin Kilis vilayəti vasitəsilə Suriyaya tədarük edilən Azərbaycan qazı mərkəzi Homs vilayətindəki “Cender Qaz” qazpaylama stansiyasına çatıb, oradan paytaxt Dəməşq yaxınlığındakı “Nasiriyə” və “Təşrin” İES-lərə yönləndiriləcək.

Publika.az Türkiyə mətbuatına istinadla xəbər verir ki, Suriyanın energetika nazirinin müavini Qayas Diyab və Homs qubernatoru Əbdürrəhman əl-Amanın qatıldığı mərasimdə elektrik stansiyasına qaz təchizatı klapanları açılıb.

Q.Diyabın sözlərinə görə, qaz kəmərinin ötürücülük qabiliyyəti sutkada 3,4 milyon kubmetrdir. Hazırda kəmərlə 1,4 milyon kubmetr Azərbaycan qazı nəql olunur ki, bu da 250 meqavat elektrik enerjisi istehsal etməyə imkan verəcək.

Nazir müavini Azərbaycan qazının Türkiyə üzərindən nəqlini “Suriyanın sabitliyinə mühüm töhfə” adlandırıb.

Xatırladaq ki, Azərbaycan qazının Türkiyə üzərindən Suriyaya tədarükü avqustun 2-dən başlayıb.

Oxumağa davam et
Reklam
Reklam

Gündəm

Zəfaran Hospital
Səba