Bu prosesə aldanmayın, dollar bahalaşacaq - İqtisadçı xəbərdarlıq etdi

Dolların 91 rubl həddində qalması müvəqqətidir, bu, sadəcə Rusiya valyutasının Amerika valyutasına nisbətdə ucuzlaşması tendensiyası ətrafında dalğalanmadır.

Publika.az xəbər verir ki, bu barədə iqtisad elmləri namizədi, maliyyə analitiki Mixail Belyaev “Lenta.ru”ya bildirib. O, may ayında məzənnənin necə olacağını da proqnozlaşdırıb.

İqtisadçı məzənnəni iqtisadiyyatda baş verən dərin fundamental hadisələrlə əlaqələndirdiyini vurğulayıb. “Biz görürük ki, iqtisadiyyatımız müəyyən uğurlara baxmayaraq, iqtisadi artım, səmərəlilik və digər məsələlərlə bağlı problemləri tam aradan qaldırmayıb. Bu onu müəyyən edir ki, biz valyutamızı dollara qarşı tam stabil hesab edə bilmərik”, - analitik deyib.

Belyaev hesab edir ki, iqtisadiyyatın müqayisəli xüsusiyyətlərində əsaslı heç nə baş vermədiyindən, rublun dollara nisbətdə ucuzlaşma tendensiyasının bir müddət davam edəcəyini güman etmək olar. O, rublun hazırkı möhkəmlənməsini müvəqqəti amillərin, bu halda isə informasiya xarakterli amillərin təsiri altında baş verən tendensiya ətrafında dalğalanmalar hesab edib.

İqtisadçının fikrincə, kursun dəyişməsinə Rusiya prezidenti Vladimir Putinin andiçmə mərasimi və Maliyyə Nazirliyinin müdaxiləsi təsir göstərə bilər.

Tural