İdman

Rio-2016: Azərbaycan ilk medalını qazandı - FOTO (YENİLƏNİB)

9 Avqust 2016 00:37

Azərbaycanı Rio-de-Janeyro Yay Olimpiya Oyunlarında təmsil edən cüdoçu Rüstəm Orucov 1/4 finala yüksəlib.

25 yaşlı idmançı mübarizəyə 1/16 final mərhələsindən başlayıb.

O, qazaxıstanlı Didar Xamzanı cərimə xalları hesabına məğlub edib. Növbəti mərhələdə isə onun rəqibi Ceyk Bensted (Avstraliya) olub. Bu dəfə Orucov 3 dəqiqə 3 saniyəyə ipponla qələbəyə nail olub.

O, 1/4 finalda macarıstanlı idmançı Mikloş Unqvari ilə güləşib. Bu görüşdən də qalib ayrılan idmançımız yarımfinalda israilli Saqi Mukini ilə tatamiyə çıxıb. Onu da məğlub edərək Olimpiya Oyunlarının finalına yüksəlib. Finalda cüdoçumuzun rəqibi yaponiyalı Şohei Ono olacaq. R.Orucov finala yüksəlməklə ən az gümüş medalı təmin edib.

Finalda isə rəqibinə məğlub olan Rüstəm Orucov 2016-cı il Rio-de-Janeyro Yay Olimpiya Oyunlarının gümüş medalını qazanıb.