İdman

“Maribor”un baş məşqçisi: “Qəbələ” çox güclü rəqibdir”

18 Avqust 2016 23:41

"Çətin şərtlər altında, çətin oyun keçdi. Bir sıra bəxtsiz vəziyyətlərə görə uğursuz nəticə qeydə alındı".

Publika.az xəbər verir ki, bu sözləri Avropa Liqasının pley-off mərhələsində "Qəbələ" ilə keçirilən oyundan sonra baş tutan mətbuat konfransında "Maribor"un baş məşqçisi Darko Milaniç deyib. 48 yaşlı mütəxəssis 1:3 hesablı məğlubiyyəti belə izah edib:

"Hesab 1:0 və 1:3 olanda bizim şanslarımız vardı. Buraya müdafiə üçün gəlməmişdik. İlk hissədə planlaşdırdığımız işləri görməli idik. Rəqib geri çəkildi və topa nəzarət bizdə idi. "Qəbələ"nin əks-hücumlarda təhlükəli olduğunu bilirdik. Oyunun nəticəsinə təsir edən gözlənilməz məqam yox idi. "Qəbələ" çox güclü rəqibdir və bunu dünən demişdim. Bu fikrimdən də dönmürəm. Buna baxmayaraq, qarşıda növbəti 90 dəqiqə var və şanslarımız qalıb".

Qeyd edək ki, cavab görüşü bir həftə sonra Sloveniyada keçiriləcək.